बेंदूर सण आषाढ पौर्णिमे दिवशी साजरा केला जातो, या सणाला बैलांचा सण देखील म्हंटले जातं. बेंदरादिवशी बैलांना रोजच्या कामातून आराम दिला जातो, पाण्याने स्वच्छ अंघोळ घालून त्यांना सजवलं जातं आणि त्यांची पूजा करून पुरणपोळीचा नैवेद्य खाऊ घालतात.

पावसाळा सुरू होताच, लगेच शेतीची कामे उरकून झाल्यावर शेतकरीदादा आपल्या लाडक्या राजाचा सण साजरा करण्याच्या तयारीला लागतो.

वटपौर्णिमेनंतर येणारा सण हा बेंदूर सण होय. महाराष्ट्र आणि कर्नाटकात खास बैलांसाठी साजरा केला जाणारा हा बेंदूरसण आहे. बेंदूर सणालाच ‘पोळा’ असे म्हणतात. बेंदूर आणि पोळा हे सण एकाच पद्धतीने साजरे करीत असले तरी ते वेगवेगळ्या दिवशी येतात. तिथीनुसार आषाढ महिन्याच्या पहिल्या पौर्णिमेला, आणि इंग्रजी कॅलेंडरनुसार जून महिन्याच्या अंतिम टप्प्यात किंवा जुलैच्या सुरुवातीच्या आठवड्यात बेंदूर सण साजरा केला जातो. शेतकऱ्यांच्या बरोबरीने शेतात राबणाऱ्या बैलांबद्दल प्रेमभाव आदर व्यक्त करण्यासाठी हा सण साजरा केला जातो. बेंदूर सण बैलांचा असतो त्यामुळे बेंदरादिवशी सकाळपासून बैलांना पाण्याने धुतले जाते. त्यानंतर त्यांच्या शिंगांना रंगरंगोटी करून बेगड्या चिटकवतात, अंगावर झूल घालून सजवतात, त्यांची मनोभावे पूजा करून पुरणपोळीचा नैवेद्य खायला देतात. यादिवशी कुंभाराने दिलेले मातीचे दोन बैल घरात पूजेसाठी मांडले जातात, कडबोळे त्या मातीच्या बैलांच्या शिंगांवर ठेवून पूजा करतात आणि पुरणपोळीचा नैवेद्य अर्पण करतात.

या दिवशी बैलांना आणि इतर सर्व जनावरांना सजवतात. त्यांचे संपूर्ण शरीर रंगाने रंगवले जाते त्यावर हाथाच्या पंजाचे ठसे उटवले जातात. गावातून एकत्रित बैलांची आणि इतर जनावरांची वाजत गाजत मिरवणूक काढली जाते.

आमच्या ब्लॉगमध्ये वापरल्या जाणाऱ्या काही परवानाधारक सशुल्क प्रतिमांचे श्रेय आम्ही घेत नाही, मग त्या गूगल इमेजेस, फोटोलिया आणि शटरस्टॉक यांच्याकडून घेतलेल्या असतील. अशा सर्व प्रतिमा त्यांच्या संबंधित मालकांचे कॉपीराइट आहेत आणि आम्ही जिथे जमेल तिथे त्यांना श्रेय देण्याचा प्रयत्न करतो. तथापि, जर आमच्या ब्लॉगवर कोणतीही कॉपीराइट प्रतिमा वापरली गेली असेल तर संबंधित व्यक्ती एकतर आम्हाला प्रतिमा काढून टाकण्यासाठी थेट मेल करू शकते किंवा प्रतिमाचे श्रेय कोणालाही देऊ शकते.